Alara òc, es una agenda, e segur qu’i trobaretz de qué préner de nòtas, las fèstas de desirar e aquela mena de causas. Mas es una agenda occitana, aquela que nos liura Corinne Lhéritier, tala una Maire Nadal qu’auriá plan dos meses d’avança. E de nos suspréner cada an a esperar de veire qual artista signarà la cobèrta (Joan-Carles Codèrc), qualas plumas vendràn garnir las paginas blancas de contenguts informacionals, culturals, poetics, pedagogics… Ben segur qu’una tala agenda es pas sonque pels dròlles o lo·as que fan l’escòla longassa, la rintrada aquò’s per tot lo monde, i cal botar de gaug !