Reedicion "Se canta que cante" La Talvera

Lo recuèlh de cants occitans Se canta que cante de CORDAE/ La Talvera fa sang de nòu e sortirà lo 15 d’agost ! 

Aquesta novèla version permet l’integracion de 30 cançons ineditas e un partiment interactiu mercé a l’accès als enregistraments originals pel biais d’Internet e d’un QR còdi.

Per lo qu’aima cantar, solet o en grop, per son plaser personal o dins una tòca pedagogica, aqueste livre recampa 154 cançons tradicionalas occitanas, reculhidas per l’associacion CORDAE/La Talvera dins los departaments de Tarn, Avairon, Tarn e Garona, Òlt, Garona- Nauta, Auda, Erau, e Cantal.

Cada cançon es acompanhada d’una traduccion e d’una particion musicala tornant reproduire lo mai fidèlament possible las interpretacions enregistradas.


Un accès a nòstre centre de documentacion en linha donarà la possibilitat al lector d’escotar las cançons dins lors versions originalas.

http://cordae-talvera-documentation.kentika.fr/


Lo lector poirà aital ausir un exemple d’interpretacion e la prononciacion locala de las paraulas, aquò li permetent d’adaptar la cançon a sas possibilitats vocalas.


De còpias informaticas de las particions poiràn èsser demandadas al sèti de l’associacion CORDAE/La Talvera jos qualquas condicions.


Aquesta publicacion es lo fruch de mantunas annadas de collectatges sul terren per l’associacion CORDAE/La Talvera.

Creada en 1979, es un centre occitan de recèrcas, de documentacion e d’animacion etnograficas  situat à  Còrdas, dins Tarn, e òbra a la conservacion e a la difusion del patrimòni culturel occitan. Sas activitats s’espandisson dins mantunas direccions: la recèrca, l’edicion, la difusion, la creacion e la formacion.

Lo livre pòt èsser comandat e pagat en linha a l’adreiça seguenta : http://www.talvera.org/multilang/publication-92.html

 

Se canta que cante recueil de chants occitans – CORDAE/ La Talvera, 245 p., 12€

Mai d’informacions sus nòtre siti www.talvera.org o al 05 63 56 19 17.

Écrire commentaire

Commentaires : 0