Concors fòto : "Torres e campanals d'Occitània"

A l'escasença del Festenal Occitan que se debanarà sus la comuna de Pàmias los 20, 21 e 22 de novembre de 2015, lo Cercle Occitan-IEO de Pàmias en partenariat amb La Lauseta, organiza un concors fotografic sul tèma : « Torres e campanals d’Occitània ».

Se la fòtografia vos agrada, se lo tèma del concors vos parla, podètz nos depausar fins a doas fòtografias al Espaci Occitan de Pamiàs fins al 30 d’octobre 2015. Las fòtos deuràn èsser acompanhadas d'un tèxt en mai d'indicar lo lòc fotografiat que descriurà lo sentit del candidat al moment de la presa de la fòto. Pòt èsser una frasa, un tèxt de mens de 15 linhas o un tròç de poèma. Lo tèxt pòt èsser escrit dins la lenga a la causida de l’autor (amb revirada en francés o occitan).

 

Una mòstra serà tanben organizada a la Mediatèca de Pamiàs del 17 al 28 de novembre 2015.

 

Una jurada, compausada de 5 personas, seleccionarà los premiats segon los critèris seguents :

- respècte del tèma,

- originalitat,

- qualitat e realitat de la presa de vista (retòcas fantasistas de fòrabandir),

- estetica de la fòto.

Las melhoras de las òbras seràn premiadas per aquela jurada.

 

Un prèmi del public ofèrt per la mediatèca de Pàmias serà tanben decernit. Lo public poirà, pendent la mòstra, seleccionar son premiat en depausant lo numèro de la fòto dins una urna prevista per aquò.

La remesa dels prèmis se tendrà a la Mediatèca de Pàmias, lo 21 de novembre de 2015 a 17 oras.

 

Lo règlament e las inscripcions seràn a retirar alprès de l'Espaci Occitan 11 car. Enric Fabre 09100 Pàmias (ostaloc09@club-internet.fr) a comptar del 20 de mai de 2015.

Las inscripcions seràn acceptadas fins al 30 d’octobre de 2015.

La participacion al concors es a gràtis.

Aquel concors reservat als fotografes amators.


Télécharger
Règlement complet
Téléchargez le règlement complet du concours (oc).
Reglament Concors Fòto 2015.pdf
Document Adobe Acrobat 64.6 KB

Écrire commentaire

Commentaires : 0