Vist – De cantas e de tèrra

De femnas e d'òmes, de cants polifonics, de montanhas... Retorn sul film de Silvan Carrère De cantas e de tèrra.





La frontièra es teuna entre le trebalh del documentarista e un folclorisme als escaufits de formòl e naftalina... O pus mal encara : d’aquela condescendéncia pel representant d’una cultura minorizada, sovent rurala, le novèl « bon salvatge » d’una camèra tròp sovent parisenca o, al mens, « parisianista ». Aquò dit, qué fa un bon documentarista ? Pensi qu’es sustot una question d’importància presa per la persona qu’es darrièr l’objectiu.
De cantas e de tèrra es – evidentament – del bon costat d’aquela frontièra. Es un film de Sylvain Carrère mès, a l’invèrs d’autres, i vesèm pas e ausissèm a pena l’òme. La paraula es daissada als entrevists. Questionats sus la practica del cant polifonic, d’òmes e de las femnas dels vals d’Azun, Estaing e Ouzom, s’expriman liurament. Pensi pas que le resultat siá vertadièrament un documentari... Pas vertadièrament un film tanpauc... Es mai un retrait : una fresca entre las generacions e las personas, representacion d’un luòc a l’entorn de la practica del cant. Tot aquò sus fons de païsatges pirenencs somptuoses.
Un retrait de viure e escotar.

De cantas e de tèrra, De chants et de terre, un film de Sylvain Carrère, 28 min, 15 €.
Solament per soscripcion, bulletin disponible ci-dessous.

 

Aldric Hagège.


Télécharger
Bulletin de souscription DVD
Bulletin de souscription.pdf
Document Adobe Acrobat 181.9 KB


Commandez le DVD dès à présent !



Écrire commentaire

Commentaires : 0