A l’ombra d’un manguièr

Amb A l’ombra d’un manguièr, la colleccion Vendémias de l’Institut d’Estudis Occitans-Aude publica las 23 cronicas que l’Aurelian de Chaire consacrèt als sièis meses passats en 2014 al Senegal cò dels païsans de Casamança per un projècte de solidaritat e de cooperacion agricòla.

 

Abòrda en lenga nòstra mai d’un tèma : l’agricultura locala, lo pes de la mondializacion, la cooperacion internacionala, la colonizacion, l’educacion, las lengas, los rites, los jòcs e espòrts, las fèstas, la cosina, etc. : « Aquel viatge foguèt la descobèrta d’una cultura diferenta e dels travèrses de la globalizacion qu’en çò nòstre coma endacòm mai capitan de desvalorar los pòbles païsans. A l’ombra d’un manguièr senegalés, posquèri apreciar un biais de viure respectuós de la natura e fòrça uman. »
A aquestas cronicas, s’ajustan unes documents : lo raconte d’una vida de païsan ; la recèpta del Yassà-Polet ; una part linguistica originala  : lexic occitan-pul, provèrbis e poèmas...

A l’ombra d’un manguièr,
Aurelian de Chaire,
IEO Aude, Colleccion Vendémias,
56 paginas, 21x29,7 cm ;
Un quasèrn central de fotografias en color
10 €

Écrire commentaire

Commentaires : 0