Torna La Prima

La prima en ivèrn ? Òc ! Mas solament dins Lo Diari ! Vos parlèm de l’eveniment, organizat cada annada per l’Institut Estudis Occitans d’Avairon e sus partenaris per saquejar la novèla sason.

La Prima occitana, serà del divendres 6 de març al divendres 3 d’abrial de 2015.

L’Institut d’Estudis Occitans d’Avairon, la Mission departamentala de la Cultura d’Avairon en partenariat ambe lo Centre cultural occitan del Roergue, organizan « la Prima occitana » sus las comunas de Marcilhac, Claravals, Sent Cibrian e Concas.

Nascut en 2008 e dejà organizat suls territòris de Rodés, Luc-La Primauba, Olemps, Senta Radegonda, Sebazac e la Barraca de Fraisse « La Prima occitana » vòl portar la lenga e la cultura occitanas al public joven (mairala, elementari e collègi), al public fragilizat (fogal lòtjament, club dels ainats) e de segur a totes los autes ! L’ocasion de rassemblar las diferentas generacions a l’entorn d’una cultura qu’a pas jamai tant de sens que dins aquela trasmission e aquel partatge.


Exposicion d’un bestiari : « De la natura de quauques bèstias »

Un bestiari fantastic del sègle XII escrit en lengadòc, adaptat en occitan modèrne e tradusit en francés per Yves Rouquette, illustrat per d’òbras contemporanèas originalas e fòrça personalas del pintor setòri Pierre François. Aquela exposicion es mesa a disposicion pel CIRDÒC (Centre Interregional de desvolopament de l’occitan).

Entre le 6 de Març e le 6 d’abril, dos còp quinze jorns, luòcs de determinar.

Una vesprada d’animacion e tres seradas espectacles son programadas e dubèrtas a totes. Pendent las tres primèras seradas, los eslèves restituiràn, en primièra partida, las òbras realizadas en classa.

Brick a Drac (fotò aquí dessus) es un grop avaironés qu’associa la musica tradicionala e lo « rock ». En aportant una fòrta personalitat a sas interpretacions, los sièis occitans prepausan un concèrt plen de relèu e de colors diferentas. Entre los tradicionals rearrengats e las composicions personalas, lo grop daissa anar un ambient fòrça poderós.

Divendres 6 de març

18h30 : Inauguracion de « La Prima occitana ».

20h30 : Serada concèrt amb Brick a Drac, primièra partida dels eslèves.

Luòc : Sala de las fèstas Marcilhac


Divendres 20 de març

20h30 : serada musicala tradicionala amb lo grop de Carcin Sèm de Caòrs (fotò), concèrt e balèti.

Lòc : Sala de las fèstas Sent Cibrian


Divendres 3 d’abril

20h30 : Espectacle « Saique benlèu » amb Arnaud Cance.

La serada se tendrà en doas partidas : Los eslèves de la classa de seisena restituiràn lo trabalh efectuat en classa, puèi lo concèrt d’Arnaud Cance.


5 € una serrada, 10 € per las 3.


Un dimècres d’abril (data de precisar)

 Vesprada d’òc

14 h : Vesprada contada e cantada (bilingüa) amb Paul Bony e los Faisselièrs.

Dubèrt a totas e totes. L’espectacle s’acabarà amb lo veire de l’amistat.

Lòc de determinar.



Contactes :

Mission départementala de la cultura

25 av. Victor Hugo 12000 Rodés

Tél. 05 65 73 80 50

Fax. 05 65 73 80 51

www.aveyron-culture.com

&

Institut d’Estudis Occitans de l’Avairon, 

05 65 68 18 75, 

www.ieo12.org, 

ieo12@ieo-oc.org


Écrire commentaire

Commentaires : 0