Dictada Occitana

Dempuèi sa creacion a Castras en 1998, la Dictada Occitana arriba a sa 18ena edicion ! Aquesta se farà lo dissabte 31 de genièr de 2015.

A Castras, se farà a la sala Loïsà Paulin (carrièra Loís David a Castras), a 14h30.

Aqueste còp, quina causida ? Lo tèxt serà tirat d’una de las òbras de la plega 2014 de las edicions IEO de Tarn : Nòu contes de Nadal d’Endacòm mai, Lo quasèrn de Francés Calquièr, de Gui Vialà e Dins una balma del Sidòbre, de Sèrgi Gairal. I a totjorn 4 categorias : pichons, collegians, liceans, adultes ; e prèmis de ganhar pels 3 ganhants de cada categoria. Tot lo monde pòt venir a l’espectacle de teatre de Sòfia Chabbert e de danças amb Los d’Endacòm pendent la correccion, es a gràtis. Vespertin pels escolans, taulièr de libres, taulièr de golardisas, aperitiu.

Aquela manifestacion se tendrà dins mai de 45 vilas, de Bordèu a Niça e fins a Barcelona, çò que marca la volontat de maitas personas d’aprene a escriure la lenga. Es a gràtis e cal pas aver paur de se lançar ! E cadun se’n tornarà ambe son diplòma !


Los diferents centres pòdon prene lo tèxt prepausat per Castras, al mens per la zòna lengadociana, mas an tota libertat de se causir quicòm mai. Per s’entrainar, de dictadas son previstas tot lo mes de genièr dins lo cercle de Castras pendent lors corses e talhièrs ; se pòt tanben visitar http://occitanica.eu/omeka/items/browse?collection=32

 

Per la dictada de Castras, podètz demandar d’entre-senhas e vos marcar abans lo 28/01 ; per s’entre-senhar sus totes los autres centres : Centre Occitan del País Castrés, 05 63 72 40 61 – azalais@wanadoo.fr 

Écrire commentaire

Commentaires : 0