Vist - Un rugbi de país

 Avèm pas una tendéncia a limitar l’occitan a la practica de la lenga ? Èsser occitan se pòt limitar a çò lingüistic ? Sens dobte non.En cercant çò que i a d’occitan dins la practica del rugbi, o çò que la practica del rugbi a d’occitan, dins una vila coma Tria de Baïsa, Fabrice Bernissan, lo realizator pausa una question mai qu’interessanta.

 De delà del retrait esmovent d’un pichon club que se saupèt auçar a un naut nivèl, de la comunautat amassada darrièr son escòla de rugbi, es la question d’una part importanta de l’identitat occitana qu’es pausada. Es que i auriá pas un ligam entre aquela cultura occitana e l’afogament pel balon oval ? Se prepausa aquí una forma de responsa, es un bèl film, tan plan un film vertadièr coma un film util que nos es donat.
Notarem per acabar que i a, dins "Un rugbi de país" la matèria d’una analisi aprigondida de la cultura occitana, de la del Sud-Oèst, coma aquò pus disfusat que l’usatge de la lenga. L’objècte d’un documentari venent ? Podèm pas qu’esperar !

Aldric Hagège.


Colleccion oralitatdegasconha
Coffret n°2
20 €

Écrire commentaire

Commentaires : 0