Lo Quasèrn de Francés Claquier

Gui Vialà, ensenhaire retirat que viu a Castras, a publicat cinc romans istorics, totjorn dins l’encastre de la vila o del país castrés :

- La Castelana de Burlats : al sègle XIIen, del temps de la comtessa Asalais e dels Trobadors.

- Lo Quasèrn de Francés Calquièr : al sègle XVIen quand las guèrras de religion ensagnosissián lo país.

- Lo Cambiament : la debuta de la Revolucion de 1789.

- Atal va la vida : a partir de sovenirs de familha, la vida del pòble al sègle 19en.

- Jiròni lo salvatge : lo sègle 20, a Durfòrt, ambe lo raconte d’una evasion d’Alemanha.


Francés Calquièr es lo filh d’un afachaire. La familha es catolica, lo paire subretot es rigorós sul sicut de la religion. Mas nòstre Francés es amorós d’una dròlla protestanta. Cossí se van passar las causas al mièg d’aquelas guèrras de religion qu’an saquejat prigondament Castras ? Es çò qu’aquel Francés Calquièr nos conta : « Ieu, èri lo Calquieron. Urosa enfança ! Dempuèi, plan d’aiga a rajolat jol Pont Vièlh e anam cambiar de sègle. E quin vertige quand agachi en rèire ! Quantas de causas vegèri e pas polidas ! Que los òmes son bèstias ! Sèm de bèstias pus marridas que las autras bèstias. »

Cobèrta : « Castras, ostals vièlhs sus Agot », grabadura de P. Noslier Colleccion « Lo Banquet » n° 9, edicion de 1998 - Re-impression de julhet de 2014. 

I.E.O. Tarn, editor - Prètz : 12 € - I.S.B.N. : 978-2-85910-240-1

Edicion bilingüa occitan-francés

Format 15x21 – 160 paginas.


Écrire commentaire

Commentaires : 0