Atlàs sonòr borian

A la seguida dels atlas sonòres de las ribièras d’Òlt, cants d’ausèls degaunhats, istòrias de fèstas e vòtas e musicas cantarèlas o de la Dordonha e del Causse, L’Atlas sonore bourian vos convida a viatjar dins un ranvèrs tipic d’Òlt : la Boriana.

País mesclat de castanhals, de garrics, e d’albuga, a cabalons entre los departaments de Dordonha e d’Òlt al sud de Sarlat, es la memòria musicala e contada, a partir de collèctas de Xavier Vidal e de l’IEO d’Òlt, que vos es prepausada d’escotar dins aquel disc de mai d’una ora.


Se devòlzan cadun son torn dels contes pels mainatges, racontes de paurs, dançarèlas jogadas pels musicians de la Granja.


Aquel libròt es estat aparelhat per publicar unas memòrias occitanas promptas a noirir l’imaginari de las generacions d’avuèi e a venir. Lo libròt es en occitan e en francés, amb las règlas de lecturas de l’occitan a la fin. S’es fach amb la participacion dels dròlles de las escòlas borianòlas.

Libre-disque format A5 ; 60 patjas ; gratis.
La distribucion es facha pel Pais Borian :
Moulin Delsol - Le bourg
46300 Le Vigan
Tel : 05 65 41 70 30
paysbourian@orange.fr

Écrire commentaire

Commentaires : 0