Combien de locuteurs ?

Lo denombrament deus locutors d’ua lenga qu’ei hèra mes complèx que çò qui sembla. Aquera question qu’interèssa las nombrosas lengas minoritàrias que l'arc roman e compta. Aqueras lengas que son estudiadas de faiçon inegau e lo comput deus locutors que’s resumeish a estimacions vagas.

 

Article en français

Que ns’avisam que los qui formulèn proposicions chifradas deu nombre de locutors de l’occitan an sovent emberogit la realitat. A titou d’exemple, la basa de dadas deu World atlas of language structures (WALS) e l’editor Ethnologue languages of the world qu’indican que i auré 1 940 000 locutors en includir l’Italia, l’Espanha e Monègue. Que mesuram aquiu a quin punt aqueras dadas e son luenh d’èster hidablas.

En permèr, que conveng d’essegurar-s deu sens que dam au mot « locutor ». Qu’avem prepausat ua categorisacion dens laquina distingueishem (natius e neo-lucotors) de la ua part, e de l’auta part, los non-locutors (hèra impregnats de la lenga o drin impregnats).

D'un punt de vista numeric, l’occitan qu’ei en pèrta de locutors au mens desempuish 1914. L’abandon progressiu de la transmission familiau que s’ei generalisat desempuish las vilas e dinc a las campanhas, los villatges, los bordalats e aquerò dinc a la dusau guèrra mondiau.

En l’espaci d’ua generacion, entre 1920 e 1940, tot un pòble que renonciè a la sua lenga. En un sègle l’occitan que passè de 9 milions de locutors a 100 000. Dens vint ans, l’occitan que deuré comptar de cap a 30 000 locutors. Dens quaranta ans que seràn a pena 20 000. Aqueras estimacions chifradas que son lo frut d'un trabalh de terrenh miat en Gasconha dempuish 2001 auprès deus abitants. De mes en mes, lingüistes coma M. Glessgen o los experts de l’UNESCO, que s’acordan sus l’estat reau e extremament preocupant de la lenga. Aqueste constat que deu èster assumit per cadun.

 

Fabrice Bernissan

Nosauts de Bigòrra

Université de Paris Sorbonne

Télécharger
F.Bernissan - Combien de locuteurs.pdf
Document Adobe Acrobat 7.0 MB

Écrire commentaire

Commentaires : 0