Motions - A.G. Avril 2014

INSTITUT D'ESTUDIS OCCITAN

Seccion Regionala Miègjorn-Pirenèus

11, carrièra Malcosinat 31000 TOLOSA

Tel : 05.61.23.95.86

 

  

MOCIONS

adoptadas per l’ Assemblada Generau de la Seccion Regionau de l’IEO MP

                                                       dissabte 12 d’ abriu de 2014

 

Vòte relatiu au congrés . MOCION :

 

« L’Institut d’Estudís Occitans de Meidia-Pireneas assemblat a Pàmias lo 15 d’abriu de 2014 - en seguida a la lectura deu contèxte de creacion deu Congrès Permanent de la Lenga Occitana e de las suas mission – que considèra que :

Hòrt de l’unitat deus actors arrepresentatius de la lenca occitana, de las associasions e de las collectivitats pertocadas, lo congrès ei lo sol operator en matèria de regulacion lingüitica aplicada a « l’ensemble deu territòri » de la lenca d’òc. »

 

Vòte per a l’unanimitat.

 

Vòte relatiu a l’OPLO. MOCION :

 

« L’Institut d’Estudís Occitans de Meidia-Pireneas assemblat a Pàmias lo 15 d’abriu de 2014 torna ahòrtir lo sué sosteng de cap a ua politica interregionau en favor de la lenga occitana.

Que considèra qu’aquesta e’s pòt hèr sonque en concertacion dab lo hialat associatiu portaire de l’accion a favor de l’occitan e qui representa los usagers de la lenca.

Que demanda doncas un partenariat entre Regions concernidas e associacions, avant la mesa en plaça de tota definicion de l’utís qui deu èster hargat entà tribalhar a la mesa en òbra d’aquera politica.

Que demanda ad “ èster associat a la concepcion, a l’elaboracion e a la governança” de l’O.P.L.O.

Que mandata lo sué C.A. entà miar las desmarchas qui pòden concretisar aquesta volentat notadament de cap au Cosselh Regionau de Meidia Pireneas. »

 

Vòte per a l’unanimitat.

 

Vòte relatiu au tèxte gessit de la reünion de Carcassona. MOCION :

 

« L’Assemblada Generau de l’I.E.O. M.P. que da poder au CA entà tornar tribalhar lo tèxte sus la fòrma puish validar-lo e dar ua seguida dab las autas associacions.»

 

Vòte per a l’unanimitat.

 

MOCION de l’AG de l’IEO MP, Dissabte 12abriu de 2014 a Pàmias :

 

« Fàcia a l’urgéncia de menar de politicas sociolinguisticas pus eficaças per la lenga e la Cultura occitanas e compte tengut de las evolucions de l’organizacion autan plan administrativas coma dels perimètres dels territòris au sen de las collectivitats territorialas de l’Estat francés, l’I.E.O. M.P. decidís:

1. de tornar pensar las missions de l’ensemble de la Federacion IEO e l’estructuracion de son foncionament

2. de preparar una mocion dins aquel sens per l’Assemblada Generala de l’IEO 2015

3. de trabalhar a la preparacion d’un congrès per la renovacion de la Federacion Institut d’Estudis Occitans – IEO »

 

Vòtada, dab los projècts tà 2014, a l’ unanimitat

 

Écrire commentaire

Commentaires : 0