Partenariat amb Lo Cirdòc

Necessari per desvolopar l’accion occitana, la collaboracion entre las estructuras toca una novela etapa. Lo Centre Inter-Regional de Desvolopament de l’Occitan de Beziers e l’I.E.O. Mieidia-Pirenèus trabalhan de concèrt per enforçar la difusion de l’actualitat e far parlar de las activitats ! Mai d’una novetat de descubrir dins aqueste numero e d’autres installadas progressivamen dins los numeròs que venon.

Occitanica

Coma los pòdon veire sus la pagina çai-contre, lo Cirdòc dispausarà, d’ara endavant, d’una pagina. Pagina blanca donada si podèm dire, que la mediateca occitana utilizarà per vos informar de sus accions, de sus eveniments que venon. Qué de mai logic ? Quora l’IEO MP publica aquesta revista o presenta de libres ; lo Cirdòc n’en met a la vostra disposicionque si fisicomen a la mediatèca coma en linha, via Occitanica. E Lo Diari junta aquesta granda familha de las publicacions dematerializadas ! Podètz, tra uèi, vos connectar al siti www.occitanica.eu per legir e relegir los precedents numeròs, o per consultar las colleccions d’obras numericas ! Tal colleccions numericas son fòrça importantas per çò que permeton, d’una part una conservacion de las diversas publicacions e de lors contenguts, çò qu’es la definicion del processús de construccion de la memòria.

 

Vèrs un novèl format

Escambi de competéncias taben. Segon las evolucions de la premsa, las equipas del Cirdòc et de Lo Diari trabalhan a la publicacion de la revista al format Epub (per Electronic Publication). Darrièr aqueste terme plan tecnic s’escondre una vertadiera inovacion : màs dobèrt, aqueste format permetre sobretot de legir Lo Diari sus liseuse e tablette. Mas subretot, nous podra permetre, a terme, d’enriquir la publicacion d’autres medias, coma de video o de musica ! Un trabalh long que rendra la revista encara mai viva et que seriá pas possible sens l’ajuda (e las bonas ideas) de las personas del Cirdòc.

 

Ligams Internet

Lo siti internet de l’IEO Meidia-Pirenèus fa sang de nòu. D’unes d’entre vosautres lo sabètz ja : nòstre siti es en mutacion. Lo siti de l’IEO deveni lo siti de Lo Diari, per melhorar la mesa en avant de l’actualitat, per una cuvertura mai larga de tot çò que se fa sus, entà e amb l’occitan. Lo partenariat amb lo Centre Inter-Regional de Desvolopament de l’Occitan s’exprimís taben per ponts lançats entre lo siti de Lo Diari, La cultura, en occitan et lo de La Pòrta d’Òc, Actu cultura e mèdias occitans. Dos estructuras, dos sitis per una actualitat tojorn melhorament exprimida.

 

Menam aquesta collaboracion a l’entorn de l’idea qu’en unissent las nòstras fòrces e las nòstras accions, trabalhant de concèrt, podèm far atal de melhorar la manera qu’avèm de metre en avant, de donar de la votz, de far connéisser la creacion, l’actualitat, es a dire las e los qu’agisson en occitan, que parlan et fan parlar : los que fan, “dins la lenga”.

 

Écrire commentaire

Commentaires : 0