Estivale occitane de Degagnac

Madama Madeleine Blanc, Maire de Degagnac Lavercantiere, nos parla de l’Estivada occitana, dètz-e-ochena edicion. Aquesta anada, la region invitada es Lo Morvan. 


LD : Nos podètz parlar un pauc de l’istoric d’aquest eveniment ?

M.B. : Es la dètz-e-ochena anada que l’Estival es organizat. Al principi, l’Offici de tourisme de País de Cazals-Salviac organizèt d’animacions dins tot lo canton, dins mai d’un vilatge. Durèri una jornada. Mas la de Degagnac es la sola que se mantenguèsse. Sèm passat d’una jornada simpla a tres jorns, d’una serada a entre dètz-e-uèit e vint estagis. Cada anada, invintam una region diferenta.

 

LD : Amb succès ?

M.B. : De segur ! L’evolucion de l’Estival es una buna pròva. Per vos dar d’idea, l’an passat, avèm agut 196 estagiaris. Lo perfil tipe es un ancian estagiari que torna (a 63%), venent de la region Mieidia Pireneas (55%, mas cal pas escondre que los autres venon de tota la França e meteis de l’estrangièr).

 

LD : Requerís fòrça organisacion ?

M.B. : Òc. Los partenaris, coma Los Barjacaïres, l’AMTPQ, l’Offici de tourisme trabalhan amassadas. Amb la vila tanben, pr’aquò soi una « convenguda de l’occitan ». Tot lo vilatge es mobilizat : los animators son graciosament lojats per l’abitant ; per los estagiaris que lo demandon, la comuna dubrís de terrens per campar.

 

LD : Cada jòrn, i a vertadièrament dos moments distints…

M.B. : Dins la jornada, i a los thalièrs, de musica, de lengua, per tots los nivèls e tots los edats. Cada ser, es lo temps del espectacle, concèrt o bal. Al principi, i a que los thalièrs que son pagants, pr’amor de que volèm pas que lo pretz siá un obstacle a la descobèrta de las culturas. Mas, coma es pas totjorn aisit de demandar de finançement per d’eveniments gratuits, se pensam una participacion liure a las serradas, per ajudar los organizators sens penalizar lo public.

 

Lo programa

Cada jorn :

9h30 à 19h : Estagi musica, dansa, cant (un quinzenat de talhièrs) : dansas enfants, fabricacion d’instruments, dansas, percucions, lenga occitana, cant, acordeon diatonic, autbòi de Valhourles, cabretas, fifre, tambor, violon, steel drum, musica collectiva, dansas de balèti, musica d’ensemble.

21h : tres seradas espectacle, concert e balèti.

 

Dimars 22 de julhet :

21h a Degagnac : concert cant amb lo grop « Las Mondinas » : Fanny Châtelain, Amandine Marie, Audrey Pémoulié

 

Dimècres 23 de julhet :

- 21h a Lavercantièra : carta blanca a Julien Cartonnet : concert a l’entorn de la cabreta (del Centre) « Musique traditionnelle du Nivernais Morvan » seguit d’una scèna duberta amb los musicians e animators de l’estagi.

 

Dijòus 24 de julhet : 

- 21h a Degagnac : Concert de fin d’estagi e balèti tradicional amb lo grop « Cartonnet/Egrelon/Dumont/Laupretre » : musicas del Morvan.

 

http://lengaviva.com

Facebook

 

 


Écrire commentaire

Commentaires : 0